Академик М.С. Осими атындағы Тәжік техникалық университеті мен Л.Н. Гумилев атындағы Еуразия ұлттық университетінің «Бірлескен ақпараттық технологиялар» факультетінің жұмысын іске асыру туралы
2024 жылғы 20-26 сәуірде Душанбе қаласында өткен "Тәжікстан Республикасындағы шетелдер университеттерінің тұңғыш халықаралық көрме-фестивалі-2024" аясында «Ақпараттық технологиялар» факультеті деканының академиялық мәселелер жөніндегі орынбасары Жанар Ахметова және Л.Н. Гумилев атындағы Еуразия ұлттық университетінің «Халықаралық ынтымақтастық» департаментінің қызметкері Айтқұрман Шалхыбаев жұмыс сапарымен Душанбе қаласындағы М.С. Осими атындағы Тәжік техникалық университетіне (Душанбе қ., Тәжікстан) іс-сапармен барды. Іскерлік кездесуге М.С. Осими атындағы Тәжік техникалық университетінің ректоры, халықаралық ынтымақтастық жөніндегі проректор және «Ақпараттық-коммуникациялық технологиялар» факультетінің басшылығы қатысты.
Кездесу барысында «Бірлескен ақпараттық технологиялар» факультетінің жұмысын жүзеге асыру мәселесі талқыланды. Аталған бірлескен факультет Тәжікстан Республикасының Президенті Э.Рахмонның Қазақстан Республикасына мемлекеттік сапары шеңберінде Қазақстан Республикасының Президенті Қ.Қ. Тоқаевтың тапсырмасы бойынша құрылған (2023 ж. 3-4 мамыр, Астана қ.).
Кездесу жемісті өтті және екі тарап та одан әрі ынтымақтастыққа мүдделі болды.
"Қалыптасқан қарым - қатынастардың сақталуына сенім білдіреміз және айтылған міндеттердің басым бөлігі ортақ күш-жігермен шешіледі және біздің ынтымақтастығымыз екі университет үшін де өзара тиімді және жемісті болады деп үміттенеміз", - деп «Ақпараттық технологиялар» факультеті деканының орынбасары Жанар Ахметова атап өтті.